|
Tiu ŝajnas al mi egali diojn, kaj superi eĉ, se ne kulpe diri, kiu sidi kun vi kaj aŭde, vide povas admiri vin, dolĉridan. Ve, de mi ĉiujn sensojn rabas tio: jam ĉe l' unua tuŝo de l' rigard', Lesbia, la vortoj mankas al mia buŝo, lamas mia lang', tra la korpo kuras vibretanta flam', de si mem l' oreloj surde tintas, kaj la okulojn kovras nokto-ĝemeloj. Pigro estas por vi, Catullus, plago, pigro ekzaltegi vin inklinigis, pigro reĝojn kaj feliĉegajn urbojn jam ruinigis. |